هناك فتاه انتضرت حبيبها سنوات

ـالجرح
الجرح رايدله شاعر ..
ايأشر اعله اهلال عيده
اومن يچل القلم بيده ايقط اصبعه..
ومايتاني الباچر ايكمل القصيده

الليلة أموت الليلة..
الليلة آخر ليلة..
الغيم حطّ ايده أعلى راسي؛
والمطر شد حيله

كأنت الأوله لنوفل الصآفي
والثآنيه لكآظم سماعيل كاطع

اخليكم ويه قصيده المبدع احمد معاش
هناك فتاه انتضرت حبيبها سنوات ليتم زفافهم وعندما تحقق هذه الحلم جاء الموت وسرق حبيبها فجلست عند راسه وقالت

منتظره واكول الفرحه بعد ايام
وتهل هلهولة امي الماكو منه احله
وصديقاتي يجن واتباها بيك اهواي
واكولن هذه خلي الوافه ويخله


احسب للخميس احساب يبو احساب


انه اتحدى عروس بكدي تحسبله


واجه يوم الخميس وامر ربك صار


انه اتمنيت ذيج الساعه ارد طفله


كلت ليلة عرسنه اني اظل سهران


اشو من وكت نايم شنهي موفشله


اجه موعد عرسنه الناس مجموعين


شني نوم المكابر مني صار احله


اني ادري الكبر طابوك موش اخشاب


طبتك للكبر هم تنحسب دخله


صعب ليلة الدخله الوحده رايد حيل


هسه وياه فراغك كلي شيحمله


ردت شدة ورد ماريد اشد احبال


ولا قاط بجفن يلمعرس اتبدله


كوم اوياي خاف المادرو يدرون


وخاف انه بظحكهم يزرف الطبله


اجه شامت اليه الوحدي متكوم


يكلي اتئخرت زفتنه شنكله


سهلت الامور المهر والحلقات


بس سدت اعيونك عدي موسهله


متت بحزام ناسف يعني غير احزام


وانه الظنيت ايدي احزام للبدله