مو عيب اليحب

مو عيب اليحب
موعيب اليحب لامو حرام الشوك
بس عيب وخزي لليوكف بدربه
كالولي ابتعد دربك
ترى مسدود بأسلاك وحواجز والطرق صعبه
كلت اعبر وجازف واليصير يصير
اخسر دنيتي ومااخسر الصحبه
اني معاشر وفي ماعاشرت بذات
ذاك الينسحب من تخلص الرغبه
هوعيونه يمي وروحي عنده تبات
واذا نتلاكه نشهك نار ملتهبه
واحس كلبي ويه كلبه بجسد واحد صار
نتنفس حنان وشوك ومحبة
رادوني اعوفك كلت لا هيهات
شلون يصير واحد يغدر بحبه
انت ويه الوريد وتسري ويه الروح
مو انسان عادي ورايد انجربه
صرت سلاح بيدك والعدو مرعوب
وانت سلاح اليه وراس للحربه
لايهمك كلام الناس واليحجون
خلها الناس تحجي ابعاد والكربه
يردونه نتفارك والطلب مرفوض
أمن مااعوفك والنبي وربه
مجنونه الخلك يردوني انه انساك
مايدرون كلبي ينبض بكلبه